📚 خطوات لدراسة 10 ساعات يوميًا بسهولة
4 févr. 2026
الدراسة لمدة 10 ساعات في اليوم كتبان صعيبة، ولكن مع التنظيم والرغبة، كتولي ممكنة وسهلة. أنا غنهضر معاكم حسب تجربتي الشخصية، حيث جربت هاد الطريقة لمدة أسبوع، وولّيت كنطبقها بلا تفكير مفرط.
🔹 الخطوة الأولى: الرغبة والنية
أول حاجة خاصك تكون مولّف بالقراية وعارف علاش كتقرا. أهم عنصر هو الرغبة بأنك تطوّر راسك وتوصل لمنصب راقي. إلا ما كانش الهدف واضح، أي برنامج غادي يفشل.
🔹 الخطوة الثانية: البداية القوية فالصباح
فيق بكري وقت الفجر (الفياق بكري بالذهب مشري).
صلّي وتوكّل على الله، حيث النجاح خاصو علاقة قوية مع الله عز وجل.
من بعد:
قرى ساعتين متواصلتين بلا حركة بزاف
دير راحة 30 دقيقة
❌ بلا سوشل ميديا، حيث كتقتل التركيز
من بعد الراحـة:
زيد 3 ساعات ديال القراية
بهذا تكون قريتي 5 ساعات فالصباح.
🔹 الخطوة الثالثة: النشاط الجسدي
من بعد البرنامج الصباحي، دير رياضة 🏃.
الرياضة كتزيد النشاط، كتطرد الكسل، وكتعاونك تكمل النهار بنفس طويل.
🔹 الخطوة الرابعة: فترة الزوال والعصر
من بعد صلاة الظهر:
قرى ساعة ونصف (قرآن، رواية، نصوص، أو تربية إسلامية)
دير نصف ساعة راحة بعيدًا عن الهاتف
دابا تكون وصلتي لـ 6 ساعات ونصف.
من العصر حتى قبل المغرب:
قرى ساعتين إضافيتين
من بعد:
خرج شوية
استنشق الهواء
كول وارتاح
تقدر تدخل شوية للسوشل ميديا
🔹 الخطوة الخامسة: المراجعة الليلية
بعد صلاة العشاء:
دير مراجعة شاملة
راجع الملخصات
دير تمارين
هاد المرحلة مهمة بزاف حيث كتثبت المعلومات
🤲بالتوفيق